Barbie-Þjálfun

"Það styttist óðum í Góu og því ber að huga vel að vetrardekkjunum". Þessi orð gullu í útvarpinu á Rás 1 einhverntíma - ég hef aldrei vitað sérstaklega hvað Góa er - hinsvegar veit ég nokkurn veginn hvað vetrardekk eru. Enn betur geri ég mér grein fyrir gangsleysi orða þegar maður er að reyna tjá sig gagnvart hinu kyninu. Eða sama kyni þegar við á.

Hef oft velt því fyrir mér hvers vegna ég tapaði ávallt í öllum sektarkenndar-leikjum við stúlkur á mínum yngri árum (1875-1934). Allir piltar eiga ekki, og munu ekki eiga sjens í stelpurnar þegar kemur að heilbrigðri sambandsstjórnun, þegar við vorum eins og apar úti að leika okkur í bissó - voru þær inni í stöðugri þjálfun. Með Barbí sem æfingartæki, bútuðu þær niður sjálfstraust Ken svo hann var á endanum orðinn innantómur auli. Á endanum skyldi Barbí við Ken (1994, okt) eftir að hún hafði endanlega misst allt álit á mannleysunni.

Af hverju mega strákar ekki bara vera strákar í friði? Amen.

Athugasemdir

[Jóhanna Fríða Dalkvist, 26.1.2007 kl. 09:43]

...af hverju mega stelpur ekki bara vera stelpur í friði ? svona eru stelpur bara og þið viljið breyta því en samt mega stelpur ekki reyna að breyta strákum þó þær séu að gera það bara af því að þá eru þær bara þær sjálfar... komið í hring, svona er bara lífið, af hverju má lífið ekki bara vera líf í friði ?...

[Heiða B. Heiðars, 27.1.2007 kl. 01:08]

Bíddu.. eru Ken og Barbie skilin!? Er nema von að maður hafi ekki trú á þessari stofnun sem þeir kalla hjónaband :)