Stelpustrákar

Ég er sem stendur að ljúka við mynd sem kallast "The Amazing Truth about Queen Raquela". Myndin fjallar um líf stelpustráka á Filippseyjum og þann heim sem þær lifa í. Myndin hefur verið ótrúlegt ævintýri, að venju vissi ég ekki baun í bala hvað ég var að gera. Fór eitthvað með myndavél til að sjá hvað myndi gerast.

Nú er myndin í síðasta klippi og vonandi næ ég að ljúka henni áður en við förum í undirbúning fyrir næstu mynd í apríl (Stóra Planið, aðahl. Pétur Jóhann Sigfússon og Eggert Þorleifsson).

Þetta er ævintýraferli, að búa til mynd, nánast eins og fara út úr líkamanum og sjá sjálfan sig vinna að einhverju. Nánast eins og hugleiðsla, þar sem maður fjarlægir sjálfan sig svo allt geti flætt ótruflað. Ótrúlegt hvað maður getur sífellt þvælst fyrir sjálfum sér.

Hérna er hægt að sjá stutt spjall við aðalhetju myndarinnar Raquelu. (Birt fyrst hér fyrir bloggheima).

Athugasemdir

[Fanney Dóra Sigurjónsdóttir, 28.1.2007 kl. 14:20]

VÁ! Ótrúlega spennandi mynd, hvenær getur almúginn horft á hana? Ég bíð amk spennt...

[Katrín Snæhólm Baldursdóttir, 28.1.2007 kl. 16:17]

Las viðtalið og segi eins og Fanney..bíð spennt eftir myndinni.

Ég

[Katrín Snæhólm Baldursdóttir, 28.1.2007 kl. 16:20]

afsakið en ég var ekki búin að tjá mig. Það er eitthvað að athugasemdaforminu.

Það sem ég vildi segja er að ég öfunda þig að hafa yfir þessum miðli, kvikmyndinni að ráða. Geng alltaf með eina sögu í maganum sem ég trúi staðfastlega á að eigi að vera lítl kvikmynd í svart hvítu og tekin upp i litlu þorpi fyrir utan Prag. Gerist kannski Þegar ég hætti að þvælast fyrir sjálfri mér.

[Heiða B. Heiðars, 28.1.2007 kl. 23:13]

Viðfangsefnin þín verða seint kölluð hefðbundin :) Hlakka til að sjá útkomuna á þessari og ekki síður að vita hvaða viðvangsefni dettur af himnum ofan á kollinn á þér næst :)