Lu Yu

Hjá mér í heimsókn þessa dagana er stórmerkilegur maður. Það er hann Lu Yu, leikari, ættaður frá Taiwan.  Lu þessi lék hlutverk geðilla kvikmyndatökumannsins í kvikmynd Woody Allen "Hollywood Ending".  Hann er að leika í kvikmyndinni Stóra Planið sem leikstýrt er af einhverjum nörd út í bæ.

Lu ólst upp í Taiwan - ungur að árum fékk hann leikarasamning í Hong Kong, flutti sig yfir og byrjaði að leika í hinum og þessum myndum. Hann var það mikil stjarna að honum var ráðinn áhættuleikari að nafni Jackie Chan. Jackie ferðaðist á þessum tíma með ferðaleikhúsinu sínum, hinum sjö frænku (eða eitthvað á þá leið), þar sem þeir tróðu upp í ýmsum stöðum í Hong Kong - einhver framleiðandi sá hann, og datt í hug að þetta væri sniðugt, að hafa áhættuleikara fyrir stjörnurnar, og þ.m.t. Lu Yu. Þetta gerist á sjött áratugnum.

Nú er Lu sextugur, býr á Manhattan, lifir þar hógværu en atorkusömu lífi með spúsu sinni til margra ára. Hann vinnur við leikhús, bæði í skólum sem og atvinnumaður. Hann er leikar, kóreografer og ég-veit-ekki-hvað. Hann rötlir nú um bæinn í rólegheitum á milli þess sem hann kíkir yfir til mín og við fíflust aðeins með línurnar hans. Hrafnasparkið sem ég ritaði, hefur hann breytt yfir á íðilfagra mandarín.

Við höfum byggt litla íbúð í stúdíó í bænum, sem á að vera í New York, þar sem söguhetjan býr.  Það verður ódýrt og skemmtilegt að komast til New York á sunnudaginn, án þess að þurfa að fljúga.

Athugasemdir

[Eva Þorsteinsdóttir, 9.6.2007 kl. 03:10]

Gangi þér vel í "New York" :)

[Jóna Á. Gísladóttir, 9.6.2007 kl. 12:28]

Spennandi hlutir sem þú ert að fást við. Er ekki Stóra planið byggt á bók eftir Þorvald Þorsteins?

[Kleópatra Mjöll Guðmundsdóttir (IP-tala skráð) 9.6.2007 kl. 20:37]

oohh væri alveg til í að "kíkja" til New York

[Halla Rut , 9.6.2007 kl. 21:54]

Kann hann "Kung Fu"

Góða ferð:::