Fréttatilkynning

Eins og flestum er kunnugt var Magnús G. Ásgeirsson rekinn frá Poppoli kvikmyndafélagi í síðustu viku. Í kjölfarið var mér gert að birta tilkynningu frá Birgi Jóhannessyni stjórnarformanni og Kristínu Andrea Þórðardóttur framkvæmdastjóra Poppoli Global ehf vegna málsins. Lesa má tilkynninguna í heild sinni hér að neðan.

"Vegna tíðra árása í fjölmiðlum af hendi fyrrverandi starfsmanns okkar Magnúsar G. Ásgeirrsonar neyðumst við til að svara ásökunum hans. Við höfðum heldur kosið annan vettvang en þennan en getum því miður ekki lengur orða bundist."

    1) Magnús heldur því fram að hann hafi ekki lekið nefndum gögnum (allir ættu að vita hver þau eru) og selt til keppinauta okkar. Við höfum sannanir í tölvupóstum og sms skilaboðum úr starfsmannasíma.
    2) Guðni Páll Sæmundsson er alsaklaus af ásökunum Magnúsar að hafa veist að honum fyrir utan veitingastaðinn Ölver þann 13 júní síðastliðinn. Þar ásakaði Magnús fyrrnefndan starfsmann Poppoli Global að hafa reynt að grafa undan orðspori sínu innan fyrirtækisins leynt og ljóst með ávílum.
     3) Til að fullkomna skömm sína, lak Magnús því í fjölmiðla að Ólafur Jóhannesson, ástær leikstjóri okkar hafi brotnað niður í tökum á Stóra Planinu og fundist grátandi inn á klósetti í Laugardalshöll. Þetta finnst okkur ómaklega að Ólafi vegið, sem er yfirleitt mjög stöðugur.
    4) Allir hluthafar eru beðnir afsökunar á lækkun bréfa. Unnið verður að því hörðum höndum á næstkomandi vikum að bæta skaðann.
    5) Ásakanir á hendur Margréti Th. Schon eru úr lausi lofti gripnar. Hún er saklaus um að hafa sífellt verið að áreita hann með kitli í tíma og ótíma.
    6) Að lokum sendum við Magnúsi ást og hlýju og auðvitað stórt knús.

Með vinsemd og virðingu,
Birgir Jóhannesson, c.e.o  & Kristin Andrea Þórðardóttir, e.f.p.
Poppoli Global ehf