Hatur

Síðan fólki var auðnað að ská athugasemdir á alnetið hefur komið berlega í ljós hverskonar pirringur leynist þarna úti. Að öllu jöfnu eru mun fleiri neikvæðar, jafnvel hatursfullar athugasemdir sem fólk missir út úr sér.

Einhvern spekingurinn sagði að við erum öll hamingjusöm á sama hátt. En hatrið hefur fleiri liti en regnboginn. Það er því kannski ekkert skrítið að þetta sé eftirsóknarverð tjáning.

Og, þegar horft er til kvikmynda, þá eru það iðulega erfiðleikar sem réttlæta frásögnina. Það þarf alltaf eitthvað slæmt að gerast svo hægt sé að yfirvinna það. Svo úr verði hefðbundin dramastrúktúr.

Það er eins og reiðin sé auðtjáanlegri í mannlegum orðum heldur en hamingjan. Þegar einhver lýsir yfir hamingjuástandi, þá hljómar viðkomandi ávallt ótrúverðugur.

Líklega er þetta ástæðan fyrir því að munkar stein-halda-kjafti um það sem þeir upplifa.