Þarna úti

Er búin að vera klippa Stóra Planið ásamt góðu fólki undanfarnar vikur. Hef ekki gefið mér tíma til að líta upp úr kafinu. Veit því lítið hvað er að gerast "þarna úti".

"Þarna úti" verður reyndar sí-ómerkilegri heimur eftir því sem árin líða. Ævintýrin virðast gerast meira inn í manni. Ætíð þegar maður hefur elt einhvert ljósstráið ofan í holuna þá hefur það ekki haft teljandi áhrif. Það er yfirleitt rannsóknin á eigin margvíða orðlausa (ó)veruleika sem virðist vera besta líkamsræktin fyrir tetrið.

Til að tala ofan í þessa auðvirðulegu tilraun til að vera skáldlegur, þá ætla ég að taka klippigræjurnar í október, láta mig hverfa eitthvað út í buskann og vinna í fjarlægu landi (nei, er ekki að fara til Færeyja).

Ætla að dúlla mér við að gera eina stuttmynd á næstu dögum og svo taka rassíu á landakortið og athuga hvert sé gott að fara. Það er annaðhvort Kuala Lumpur, Manila eða New York. Kannski Brasilía.

We'll see. Knúserí.

Athugasemdir

[Letilufsa, 18.9.2007 kl. 19:40]

Mæli hiklaust með Kúbu og Bólivíu...