Við Álftagerði

Dreymdi Álftagerðisbræður í nótt. Fór út og mátti ekkert vera að því að tala við fólk. Þurfti að flýta mér að kaupa nýjasta diskinn og bókina um þá. Vissi ekki að væri til bók, en við stutta rannsókn í morgun kom sannleikurinn í ljós.

Núna er diskurinn og bókin á borðinu hjá mér. Ég er enginn sérstakur aðdáandi eða neitt slíkt. Samt er þetta eitthvað sem ég varð að kaupa.

Svo er ég að fara til Grikklands og Indónesíu. Ekki viss afhverju. Hef bara komist að því að ég fæ að vita voða lítið. Þætti betra að fá að vita ýmislegt fyrirfram.

-----------------

Rak augun í eitthvað biblíu-rit, þar sem segir að þróununarkenningin sé áætlun santans til að tortíma guði. Fannst rétt að minna á þetta.

-----------------

Myndskýrslan, búin að horfa á Michael Clayton og No country for zee old men - þrælflott.

Horfði á trailerana af Hostel myndunum, ferlega óáhugavert.

-----------------

Einhver fréttakona á stöð 2 var að segja upp, út af einhverri ætlaðri lygi, fólk babblar um að fréttastofa þurfi að hafa trúverðugleika og trausta fréttamenn. Líf mitt byggist að mestu á sjálfslygi, geri ráð fyrir að því sé þannig háttað á flestum bæjum.

Lætin í þessum bílaköllum eru ágæt, merki um að það sé púls meðal íbúa landsins, skil ekki hvernig þeir finna tíma í þetta, maður þarf að hafa sig allan við til að eiga fyrir afborgunum á hinu og þessu.

-----------------

Ég leit eina lilju í holti,
hún lifði hjá steinum á mel.
Svo blíð og svo björt og svo auðmjúk,
en blettinn sinn prýddi hún vel.

(úr Liljan, flutningur Álftagerðisbræður, höfundur lags og ljóðs óþekktur).

Athugasemdir

[Ómar Ingi, 25.4.2008 kl. 19:37]

SNILLD

[Jórunn Sigurbergsdóttir , 27.4.2008 kl. 16:48]

Góð færsla. Stundum er betra að vita ekki fyrirfram. Það er mín reynsla.