Rósin

Hún Rose leikur lítið hlutverk í Queen Raquela. Ég hitti hana í gær ásamt fleiri stelpustrákum, þær buðu mér út að borða og eitthvað að teitast.

Rose hagar sínum sólarhring eftir þeim bandaríska. Hún vinnur sem vefmyndavélsstúlka og þénar prýðilega á því. Svo er hún líka með sína eigin heimasíðu þar sem kærastinn hennar tekur upp öll vídeóin og klippir.

Hún er hörkudugleg, þarf lítinn svefn og stendur vaktina vel. Er búin að safna dálitlu fé og ætlar að opna bar þegar hún þarf að hætta þegar hrukkurnar fara að láta sjá sig. Hún styður foreldra sína fjárhagslega og heimsækir þá reglulega. Það er heilög skylda hjá Tælendingum að styðja foreldra og ættingja. Þessir asíubúar heima á fróni eru sko ekki að safna sér fyrir sjónvarpi heldur senda pening samviskusamlega heim.

Þetta virðingarstig er eitthvað sem fer vel í mig, Tælendingarnir virðast heldur ekki hafa áttað sig fullkomlega á kaldhæðni sem er góð tilbreyting frá vesturlöndum þar sem við rembumst við að sýnast flottari og klárari en náunginn.

Á meðan hér ríkir almenn virðing, þá er andrúmsloftið heima meira "farðu frá fíflið þitt". Það tekur mann dálítinn tíma að venjast þessu þegar maður er sjálfur sekur um kaldhæðnispólóið.

Swadi kap.

Athugasemdir

[Ómar Ingi, 16.8.2008 kl. 15:21]

Skemmtileg færsla hjá þér

[Sóldís Fjóla Karlsdóttir, 17.8.2008 kl. 08:49]

Góð pæling hjá þér....ég kannast við þetta með kaldhæðnina...

[Óskar Þorkelsson, 20.8.2008 kl. 15:59]

sawaddee krap :)