Stóra Planið vika 2

Önnur vika af tökum í Stóra Planinu á enda. Held þetta sé þolanlegt allt saman, ekki viss, á eftir að sjá hvernig þetta klippist allt saman. Hvað um það, þetta er bara enn ein bíómyndin. Þarf ekkert sérstaklega að babla um hvað fólk stendur sig vel. Mikilvægast er að koma liðinu heim fyrir fimm. Hef sett af stað svokallaða Poppoli vinnuvernd, sbr. Landsbanka launavernd. En á meðan Landsbankinn er upptekinn af því að þykjast passa peningana, þá leggur Poppoli ehf áherlsu á að passa vinnutíma og geðheilsu starfsmanna. Allir fara heim tiltölulega ferskir og mæta happí daginn eftir. Þannig leggur Poppoli áherslu á ... blah blah, farin að hljóma eins og auglýsing en þetta er akkúrat málið. Við deyjum eftir skamman tíma (þetta flýtur ógurhratt hjá), og því er mikilvægt að passa vel upp á heilsuna og nota orku og athygli í sem bestu jafnvægi til ferðaloka. Hvað um það, ætla að hoppa í bólið góða. Knúserí, óli j.

Nokkrar myndir

Henti upp nokkrum myndum af starsfólki frá því í vikunni. Maður gæti ekki gert baun í bala ef þetta lið væri ekki að gefa sig í þetta. Endilega kíkið hér á myndirnar.

Páskakveðjur

Fyrsta vika

Fyrsta vikan af Stóra Planinu búin. Þetta var skítlétt. Sumir voru með einhverjar áhyggjur að við færum yfir á tíma og yrðum eitthvað þreytt. Þetta gekk rosalega vel. Sérstaklega þar sem ég þurfti lítið að fara út af skrifstofunni og gat bara fjarstýrt leikurum í gegnum gsm síma og verið í fótabaði á meðan. Kannski var þetta ekki alveg svona. Man það ekki, skyndiminnið eitthvað af gefa sig. Allavega, þá er fyrstu viku lokið.
----
Náði tali af einum nágranna sem hefur verið að aðstoða okkur í tökum,  hann Sverrir er um áttrætt, fílhraustur piltur, hann sagði mér að ef maður hætti að vakna snemma á morgnana þá gæti maður bara pakkað saman og farið heim.
----
Við erum að skjóta í skemmtilegu hverfi hér í bænum, stemmningin þar er bara alveg eins og þegar ég var að alast upp í Búðardal. Smábæjarhlýjan faðmar mann reglulega yfir daginn úr öllum áttum.

Dagur þrjú

Dagur þrjú í tökum á stóra planinu. Ágætis efni sem við erum að ná, að ég held. Er nokkuð þreyttur á því í dag, samt erum við að taka nokkuð stutta daga, frá c.a. 8 til 5, alveg mátulegt. Svo fer maður í pottinn í vesturbæjarlauginni til að ná úr sér skvampi dagsins, sem er akkúrat það sem ég ætla að gera núna. 

 

Spjallað við blómið

Þegar ég var í New York fyrir einhverjum dögum var eitthvað spjall tekið við kvikmyndablómið. Spjallið má sjá hér.

Kraftaverk

Þau gerast á hverjum degi kraftaverkin. Maður sér nýjar og nýjar hliðar á kraftaverkunum í þessari takmörkuðu þungu lífsvídd. 

Fyrsti tökudagur

Mér skilst að við byrjum í dag að taka, amk fékk ég skilaboð um það. Erum búin að æfa nokkuð vel þannig að vonandi verður þetta allt í lagi hjá okkur. Ég ætla ekkert að rambla mikið um ágæti samstarfsfólks, þó auðvitað gæti ég ekki gert baun í bala nema hafa svona stoðir við hlið mér.
----
Ljósmyndin er af æfingu í gær, þar sem Robert Chan fer yfir línurnar sínar. Robert þessi er príðispiltur, hann lék á móti Jack Nicholson í Departed, atriðið fór fram í vöruskemmu þar sem Robert frussaði kínverskum óorðum yfir stórleikarann. Robert sagði mér að hann hefði fengið ógeðslegan trailer (hann fær engann hjá okkur) og þessvegna hafi hann verið í extra fúlu skapi þegar hann átti að frussa yfir Jack. Hann bar gamla kallinum (Scorcese) vel söguna.
----
Svo er ég loksins búin að klára Queen Raquela með hjálp Dags Kára sem opnaði augu mín í nýjar áttir í kvikmyndatungumálinu. Ég hef trúlega aldrei eytt eins miklum tíma í klippiborðinu eins og með hana. Enda þykir mér afar vænt um viðfangsefnið og mikilvægt að það skili sér til þeirra sem á vilja hlýða.
----
Jæja, ætli það sé ekki best að fara drolla sér í morgunskokkið, svo þarf ég að fara rústa öllum skotum sem við höfum skipulagt í dag, breyta þeim á síðustu sekúndu til að hjálpa vinnufélögunum að lifa í núinu.

ljúfar út í daginn, óli j. 

Skógarferð

Já, lífið heldur áfram í þessu kvikmyndastússi, við piltarnir skruppum í skógarferð, minnir að það hafi verið í Öskjuhlíð eða einhversstaðar. Amk voru tré þarna. Fínt rigningarveður, ferðin var farin til að dúlla sér eitthvað fyrir tökur, skoða bæinn og sonna í rólegheitum.

Ekki mikið annað að gerast. Mér skilst að kosningar hafi farið fram í Hafnarfirði um eitthvað mál. Fylgist ekki mikið með samfélagsmálum, þau hafa verið á "repeat" frá því að ég man eftir mér. Alltaf það sama aftur og aftur með mismunandi formerkjum.

Já, og svo held ég að við séum að byrja að skjóta í þessari viku, eða næstu, man það ekki. Amk er eitthvað skipulagt. Þetta er ekkert sérstaklega skemmtilegt eða leiðinlegt, fínt jafnvægi bara. Ég sendi skeyti á matardeildina á fimmtu hæð um að mikilvægt væri að ég fengi skyrið mitt á hverjum morgni.

Já, ævintýraheimur kvikmyndanna. Hmm.

Knúsirí, óli j. 

Jamm

Það rúllar allt prýðilega í undirbúningi á kvikmyndinni okkar hérna í Poppoli. Eina umkvörtunarefni mitt er að vinnudagar eru of stuttir. Maður er svo vanur því að vinna um 16 tíma í þessum kvikmyndabransa en í dag er öldin önnur.

Amk hjá þessu Poppoli apparati sem ég starfa hjá. Hér er unnið frá 10-12 - svo er tekin löng siesta til um hálf þrjú, eftir það er svo aðeins spjallað og skipulagt til fjögur. Eftir það getur maður bara farið í leikfimi eða eitthvað. Ég skellti mér í grasagarðinn í dag í laugardalnum, sat þar við tjörnina, skrifaði nokkur ljóð og las þau jafnharðan upp fyrir mig. Á leiðinni þaðan tók ég nokkrar ljósmyndir, tók samgangendur tali og slakaði á.

Mun að sjálfsögðu halda áfram að babla um þetta ljúfa líf hér áfram.

Baugur í lúxemborg

Baugur faldi kauprétt á eigin hlutabréfum á vörslureikningi í Lúxemborg. Þetta segir í frétt á Vísi. Þetta eru ótrúlegar fréttir, ég er flemtri sleginn, að byrja daginn svona, þvílíkt áfall. Á maður að hringja í 112 eða mun ég komast í gegnum daginn.

 Hverjum er ekki sama, legg til að Sigurður Tómas Magnússon verði ráðinn með sitt nálarauga til að skoða starfsemi íslenskra banka og fasteignafyrirtæki. Viss um að Sigurður myndir brjóta þetta kerfi upp með hörku sinni, þannig að við öll ættum betra líf í ódýrara landi.

Amen.