Bréf til Menntamálaráðherra og RÚV

------ Menntamálaráðherra:

Heil og sæl Katrín,
Veit að þú ert upptekinn, hef þetta því stutt og skýrt. Þetta varðar
kvikmyndagerð og niðurskurð á henni.

Ég er með tvær spurningar og þætti vænt um ef þú gætir svarað þeim svo
ég og aðrir kvikmyndagerðarmenn skilji hversvegna á að ganga frá
okkur.

1) Það er ekkert mál að það sé skorið niður í kvikmyndagerð eins og
öðrum greinum á þessum tímum. Hinsvegar svíður all svakalega undan
skurði þínum á Kvikmyndasjóð sem af algjörlega óskiljanlegum ástæðum
var mun drýgri en í öðrum menningargreinum. Mér þætti vænt um að fá
skýringar á því. Hvers vegna Kvikmyndagerð var sérstaklega tekin fyrir
í þessari menningarfórn.

2) Hvernig í ósköpunum stendur á því að RÚV er hætt að kaupa íslenskar
kvikmyndir. Hvernig stendur á því að RÚV geti lýst slíku yfir. Þetta
kemur upp um algjöra vanþekkingu þeirra sem að þessu máli standa. RÚV
hefur eytt einungis í kringum 60 milljónum árlega í kaup á
heimildamyndum og kvikmyndum. Kaupverð á kvikmyndum hefur verið
þolanlegt, kaupverð á heimildamyndum fyrir neðan allar hellur. Þessa
litla upphæð, 60 milljónir, hefur þó auðnað kvikmyndagerðarmönnum að
sækja um í erlenda sjóði eins og Media, Eurimages, að ekki sé minnst á
Norræna kvikmyndasjóðinn sem hefur það sem skilyrði að selt sé til
Ríkissjónvarps.

Með miklum niðurskurði á sjóðnum er nánast búið að ganga frá
Kvikmyndagerð um sinn í þessu landi. Með yfirlýsingu RÚV um að kaupa
ekki íslenskar kvikmyndir er endanlega búið að drepa greinina.

Þetta þýðir að ef ég eða aðrir ætlum að gera kvikmynd án styrks frá
Kvikmyndasjóð þá er það ómögulegt þegar RÚV er líka úr leik, því RÚV
er hliðarvörður af ýmisskonar fjármögnunar-möguleikum.

Svo ég orði það mjúklega, þetta verður að laga hið all-snarasta.

Bestu kveðjur yfir,
Olaf de Fleur
www.poppoli.com

------ Páll Magnússon:

Sæll Páll,

Ég get skilð að þú sért í erfiðri aðstöðu varðandi niðurskurð á RÚV,
geri hinsvegar athugasemd við há-alvarlega villu í ákvörðun þinni
varðandi að kaupa ekki íslenskar kvikmyndir.

Hvernig stendur á því að RÚV geti lýst slíku yfir. Þetta kemur upp um
algjöra vanþekkingu þeirra sem að þessu máli standa. Hvar er
menningarhlutverkið statt í þessari jöfnu.

RÚV hefur eytt einungis í kringum 60 milljónum árlega í kaup á
heimildamyndum og kvikmyndum. Kaupverð á kvikmyndum hefur verið
þolanlegt, kaupverð á heimildamyndum fyrir neðan allar hellur. Þessa
litla heildarupphæð, 60 milljónir, hefur þó auðnað
kvikmyndagerðarmönnum að sækja um í erlenda sjóði eins og Media,
Eurimages, að ekki sé minnst á Norræna kvikmyndasjóðinn sem hefur það
sem skilyrði að selt sé til Ríkissjónvarps.

Með miklum niðurskurði á Kvikmyndasjóði er nánast búið að ganga frá
Kvikmyndagerð um sinn í þessu landi. Með yfirlýsingu RÚV um að kaupa
ekki íslenskar kvikmyndir er endanlega búið að drepa greinina.

Þetta þýðir að ef ég eða aðrir ætlum að gera kvikmynd án styrks frá
Kvikmyndasjóð þá er það ómögulegt þegar RÚV er líka úr leik, því RÚV
er hliðarvörður af ýmisskonar fjármögnunar-möguleikum.

Þessa yfirlýsingu verður að draga tilbaka sem fyrst, því þetta
einfaldlega gengur alls ekki. Ástandið hefur oft verið brösótt í
samvinnu RÚV og kvikmyndagerðarmanna, en þarna er farið all svaklega
yfir strikið.

Það er svo einfalt, að kvikmyndagerðarmenn lifa ekki án RÚV. Þó
upphæðir séu mjög misgóðar, þá drepur þetta okkur endanlega að hafa
ekki samstarf við ríkisstöðina.

Vona innilega að þetta verði skoðað án tafar og lagað.

Bestu kveðjur yfir,
Olaf de Fleur
www.poppoli.com

Athugasemdir

[Hjálmtýr V Heiðdal, 23.1.2010 kl. 13:03]

Góður Óli.

Ég var að fá fréttir af því að raunverulegur niðurskurður hjá Þjóðleikhúsinu er bara 3%. Opinbera talan segir 7% - en þá er ekki tekið með í myndina að stofnunin fékk verðbætur og því er raunniðurskurðurinn svona lítill. Kvikmyndasjóður er skorinn niður um 35% og 15% í fyrra (miðað við samninginn).

Svo kemur þessi netta yfirlýsing frá RÚV: lok lok og læs.

Nú brettum við upp ermar.

Kv.

Hjálmtýr

[Vera Sölvadóttir (IP-tala skráð) 23.1.2010 kl. 13:29]

Flott hjá þér Óli. Við verðum að finna lausn á þessu hið snarasta. Það er verið að kippa undan okkur fórtunum og möguleikum til þess að ná í styrki erlendis frá. Ef þessi yfirlýsta stefna RÚV verður ekki dregin til baka getum við gleymt þvi að starfa áfram hér á landi. Kannski þarf einfaldlega að athuga hvort að þorri fólks sé yfirleitt sama um hvort það horfir á íslenskt efni eða erlent? Þá ættum við líka að íhuga að gerast amerísk og láta Kanann ættleiða okkur.

[Jón Steinar Ragnarsson, 23.1.2010 kl. 15:27]

Sennilega eru fáar greinar, sem hafa ávaxtað ríkisfé betur en kvikmyndagerðin. Það virðist ekki skipta máli hjá hinu opinbera. Að ávaxta sitt pund er nánast tabú. Setjum heldur helling af peniingum í steynsteypu, til að halda lífinu í skulsettum verktökum og öðrum miður fýsilegum fjárfestingum Einhendum okkur í Hátæknisjúkrahúr upp á 60-120 milljarða um leið og við skerum niður heilbrigðisþjónustuna.

Það koma 3-4 krónurinn í þjóðarbúið í beinhörðum gjaldeyri fyrir hverja krónu, sem sett er í kvikmyndagerð. 300% ávöxtun er náttúrlega eitthvað, sem við ættum að forðast eins og heitan eldinn er það ekki?  

Hvað er þarna á milli eyrnanna á þessu fólki? 

[Hákon sverrisson (IP-tala skráð) 23.1.2010 kl. 17:11]

Geti hún rökstutt þennan gjörning mun hún ábyggilega svara þér,enn vittu til þú færð ekkert svar...

[Ólaf de Fleur Jóhannesson, 23.1.2010 kl. 17:59]

Já, þetta er ekkert flókið. Katrín gerir afar skýra aðför að kvikmyndagerð og er ekkert feimin við það.

Varðandi Pál, hann virðist vera að mótmæla niðurskurði á RÚV með því að nota m.a. kvikmyndagerð sem gjaldmiðil, að henda henni út.

Þau eru bæði runnin út á tíma, skeiðklukkan tifar hratt á þessum tímum. Nú hefst vesenið við að koma þeim annað hvort út eða til vits. Hvorutveggja verður tímafrekt þegar maður hefði viljað frekar geta einbeitt sér að pönnukökubakstri í frítíma.

Við skulum sjá hvort þau svari. Næsta skref er að panta tíma hjá þeim, því fleiri því betra og sitja í þrívídd fyrir framan þau og hlusta.

Góðar stundir gott fólk :)

[Hjálmtýr V Heiðdal, 23.1.2010 kl. 18:26]

Páll er að bregðast við þeirri aðgerð fjárveitingavaldsins að taka hluta af nefskattinum sem á að renna til RÚV og setja hann í önnur verkefni. Kanski jarðgöng í kjördæmi samgöngumálaráðherrans.

Þannig hefur fjárveitingavaldið skorið niður kvikmyndasjóð um 35% og tekið peninga frá RÚV sem skv. aðgerð Páls verður til þess að kvikmyndagerð er gjörsamlega slátrað. Páll er auðvitað að hluta að hugsa um aðgerð sem vekur upp kröftug mótmæli.

[Ómar Ingi, 23.1.2010 kl. 22:47]

Kommar hafa alltaf verið að þykjast vera menningarlegt fólk en er það ekki sagan sannar það.

[aloevera, 24.1.2010 kl. 01:49]

...eru.. ætti það að vera Ómar Ingi.  Varðandi niðurskurðinn er þarna vitlaust að málum staðið.  Íslensk kvikmyndagerð er arðbær eins og hún hefur sýnt og sannað undanfarin ár. 

[Billi bilaði, 24.1.2010 kl. 08:32]

Vonandi svarar Katrín þessu vel.

Hún er þó sá ráðherra sem ég hef orðið fyrir mestum vonbrigðum með. Mér leyst vel á hana sem forystumann í VG, ung og skörungsleg kona að sjá. En hún hefur algerlega horfið við það að komast í stjórn. Það eina sem hefur sést til hennar er illa rökstudd endurráðning Þjóðleikhússtjóra. Ég hef ekki heyrt múkk frá henni um þau mál sem skipta máli á íslandi. (Það minnir helst á Geir Haarde í fjölmiðlamálinu, sem þagði eins og steinn þar til Davíð skipaði honum að gelta. Þá kom falskt bofs.)

Vonandi halda áfram að vera framleiddar góðar íslenskar heimildarmyndir, og þessi vorkunnsama ríkisstjórnarmynd sjái að sér.

[j.a. (IP-tala skráð) 24.1.2010 kl. 09:09]

Katrín menntamálastýra er mesta bleyðan í allri V.G. hreyfingunni.  Ekki skil ég þá sem hafa komið  henni í valdastólinn. (Hvurra manna er hún?)  Því ekki hefur hún komist af eigin verðleikum, það sanna dæmin, þau eru mörg, en ég ætla ekki að taka þau upp hér.  Guð hjálpi Íslandi ef framtíðin er svona vinstramegin og Sjálfstæðisflokkurinn óbreyttur, þá mega nú margir hugsa alvarlega að íhuga búsetuskifti í fúlustu alvöru.  Það getur enginn lifandi manneskja framfleytt fjölskyldu á Íslandi, vinnandi með tveim höndum.  Það hafa nú alltaf þurft fjórar minnst, síðan ég man eftir.