Leita í fréttum mbl.is

Kurteist Fólk - Heimasíða

Jæja. Það er loksins komið að því. Eftir mikið jaml, fuður og jafnvel japl, er búið að setja saman kvikmyndina Kurteist Fólk sem tekin var upp í Búðardal í Dalabyggð. Á heimaslóðunum.

Myndin verður frumsýnd þann 31. mars næstkomandi.

Hérna er svo kominn upp heimasíða fyrir verkið:

http://www.kurteistfolk.is

Eigið góðan :)

Íslensk Kvikmyndagerð - Stikla

Kynningarstikla fyrir kvikmyndina Borgríki.

Stikla fyrir íslenska kvikmynd - Borgríki


Bréf til Menntamálaráðherra og RÚV

------ Menntamálaráðherra:

Heil og sæl Katrín,
Veit að þú ert upptekinn, hef þetta því stutt og skýrt. Þetta varðar
kvikmyndagerð og niðurskurð á henni.

Ég er með tvær spurningar og þætti vænt um ef þú gætir svarað þeim svo
ég og aðrir kvikmyndagerðarmenn skilji hversvegna á að ganga frá
okkur.

1) Það er ekkert mál að það sé skorið niður í kvikmyndagerð eins og
öðrum greinum á þessum tímum. Hinsvegar svíður all svakalega undan
skurði þínum á Kvikmyndasjóð sem af algjörlega óskiljanlegum ástæðum
var mun drýgri en í öðrum menningargreinum. Mér þætti vænt um að fá
skýringar á því. Hvers vegna Kvikmyndagerð var sérstaklega tekin fyrir
í þessari menningarfórn.

2) Hvernig í ósköpunum stendur á því að RÚV er hætt að kaupa íslenskar
kvikmyndir. Hvernig stendur á því að RÚV geti lýst slíku yfir. Þetta
kemur upp um algjöra vanþekkingu þeirra sem að þessu máli standa. RÚV
hefur eytt einungis í kringum 60 milljónum árlega í kaup á
heimildamyndum og kvikmyndum. Kaupverð á kvikmyndum hefur verið
þolanlegt, kaupverð á heimildamyndum fyrir neðan allar hellur. Þessa
litla upphæð, 60 milljónir, hefur þó auðnað kvikmyndagerðarmönnum að
sækja um í erlenda sjóði eins og Media, Eurimages, að ekki sé minnst á
Norræna kvikmyndasjóðinn sem hefur það sem skilyrði að selt sé til
Ríkissjónvarps.

Með miklum niðurskurði á sjóðnum er nánast búið að ganga frá
Kvikmyndagerð um sinn í þessu landi. Með yfirlýsingu RÚV um að kaupa
ekki íslenskar kvikmyndir er endanlega búið að drepa greinina.

Þetta þýðir að ef ég eða aðrir ætlum að gera kvikmynd án styrks frá
Kvikmyndasjóð þá er það ómögulegt þegar RÚV er líka úr leik, því RÚV
er hliðarvörður af ýmisskonar fjármögnunar-möguleikum.

Svo ég orði það mjúklega, þetta verður að laga hið all-snarasta.

Bestu kveðjur yfir,
Olaf de Fleur
www.poppoli.com

------ Páll Magnússon:

Sæll Páll,

Ég get skilð að þú sért í erfiðri aðstöðu varðandi niðurskurð á RÚV,
geri hinsvegar athugasemd við há-alvarlega villu í ákvörðun þinni
varðandi að kaupa ekki íslenskar kvikmyndir.

Hvernig stendur á því að RÚV geti lýst slíku yfir. Þetta kemur upp um
algjöra vanþekkingu þeirra sem að þessu máli standa. Hvar er
menningarhlutverkið statt í þessari jöfnu.

RÚV hefur eytt einungis í kringum 60 milljónum árlega í kaup á
heimildamyndum og kvikmyndum. Kaupverð á kvikmyndum hefur verið
þolanlegt, kaupverð á heimildamyndum fyrir neðan allar hellur. Þessa
litla heildarupphæð, 60 milljónir, hefur þó auðnað
kvikmyndagerðarmönnum að sækja um í erlenda sjóði eins og Media,
Eurimages, að ekki sé minnst á Norræna kvikmyndasjóðinn sem hefur það
sem skilyrði að selt sé til Ríkissjónvarps.

Með miklum niðurskurði á Kvikmyndasjóði er nánast búið að ganga frá
Kvikmyndagerð um sinn í þessu landi. Með yfirlýsingu RÚV um að kaupa
ekki íslenskar kvikmyndir er endanlega búið að drepa greinina.

Þetta þýðir að ef ég eða aðrir ætlum að gera kvikmynd án styrks frá
Kvikmyndasjóð þá er það ómögulegt þegar RÚV er líka úr leik, því RÚV
er hliðarvörður af ýmisskonar fjármögnunar-möguleikum.

Þessa yfirlýsingu verður að draga tilbaka sem fyrst, því þetta
einfaldlega gengur alls ekki. Ástandið hefur oft verið brösótt í
samvinnu RÚV og kvikmyndagerðarmanna, en þarna er farið all svaklega
yfir strikið.

Það er svo einfalt, að kvikmyndagerðarmenn lifa ekki án RÚV. Þó
upphæðir séu mjög misgóðar, þá drepur þetta okkur endanlega að hafa
ekki samstarf við ríkisstöðina.

Vona innilega að þetta verði skoðað án tafar og lagað.

Bestu kveðjur yfir,
Olaf de Fleur
www.poppoli.com


Blessanir

Fékk að sjá klipp af myndinni þegar ég gerði þennan trailer. Myndin er mjög sterk, í miklu og góðu jafnvægi og fellur ekki í neinar gildrur hvað varðar dómfellingar - efnið er sett fram á þroskaðan hátt þar sem áhorfenda er sett í að túlka.

Helgi Felixson leikstýrir, afar prúður maður þar á ferð, Steffi Thors klippir listavel, Hilmar Örn er með tónlistina ... margir margir fleiri koma þarna að. Tek fram að ég er ekkert tengdur framleiðslu myndarinnar. Svo er það hann Ísleifur hjá Græna Ljósinu sem kynnir og dreifir undir Senu.

Í stuttu máli sagt er myndin sterkt milliuppgjör á þessa tíma sem standa enn of nálægt okkur til að sjá þá skýrt, myndin hjálpar í þessu milliástandi sem ríkir.


mbl.is Þetta er bara allt farið í steik
Tilkynna um óviðeigandi tengingu við frétt

Rósteinar

harpsm.jpgÞað er komin framleiðslutími á ný, æfingar, búningar, myndavélar og önnur vopn fyrir næstu mynd eru á smíðaverkstæðinu. Myndin ber vinnuheitið "Laxdæla Lárusar".

Framleiðsla okkar varð fyrir miklum skakkaföllum í síðustu viku. Þar sem Harpa Arnardóttir er kona, var ætlunin að greiða henni lægra en körlum eins og venja er. Þetta breyttist snögglega þegar hún fékk Grímuverðlaun og setti þar með fjárhagsáætlun í skástöðu. Mikið kapp verður lagt á að draga úr mikilvægi Grímuverðlauna á næstu æfingum til að ná niður fékostum.


Stórmynd

Ég hef fengið að sjá myndina þar sem ég klippti trailerinn, ég tengist verkinu ekki á neinn annan hátt.

Verkið hafði mjög mikil áhrif á mig, sem er nokk óvenjulegt þar sem ég hef litla meðvitund um þessi mál og er almennt frekar upptekinn af sjálfum mér.

Afar sterkt verk og ein besta heimildamynd sem gerð hefur verið á þessu landi, setur sig á stall með Hlemm og Lalla Johns en er samt allt öðruvísi og einstök í heimildasögu þessa lands - til hamingju til aðstandenda.

Segi kurteislega, skellið ykkur í bíó þegar hún kemur :)


mbl.is Fyrsta sýnishorn úr Draumalandinu
Tilkynna um óviðeigandi tengingu við frétt

Marlyn

img_0025.jpg
Einhversstaðar í LA. Hátíð fyrir Stóra Planið.
Ferðafélagi Stefan Schaefer. Mikið af ótrúlega góðum bröndurum sem of fáir heyra.
Mikið af fundum, mikið af peningum hérna. Mikið af framtíðardraumum sem deyja. Viðreynsla við það að fá húsið með sundlauginni sem verður bara notuð einu sinni.

Hitti Irving, hann er smámæltur, ætlar að gera mynd um hversu mikið hann varð fyrir einelti í skóla. Talar um hversu mikið hann þarf ekki að heilsa fallegum stelpum, því annars koma þær ekki til hans. Má ekki segja að þær séu fallegar, virkar ekki að hans mati. Brjóstumkennanlegur drengur sem lífið hefur klofsparkað aðeins of oft.

Gloria, kynnti okkur fyrir slatta af liði hjá risafyrirtæki, mikið af ást, á LA mælikvarða. Endurgerð á Stóra Planinu, mikið talað og malað. Var á Íslandi, fín stúlka.

Vaknað í morgunleikfimi í herberginu. 25 stig. Fundir. Kvikmyndahátíðir eru góðar fyrir sálina, ekki einn að stræva heldur allir. Afslöppun, gegnumsýn á tilgangsleysið í tilganginum.

Santa Monica, ströndin og parísarhjólið. Ofaní, frískandi.

Á Roosevelt hótelinu þar sem Marlyn var.


Fegurstu hljómar

 tokyo
Er að fara út til New York og LA á smá rúnt.  Verður gaman að komast aðeins úr snjónum í stuttbuxur og á ströndina í LA. Ætla í sjósund eins og margir hér heima eru að reyna drepa sig með. Sjósund í LA er hollara er líklegra til að halda lífi.

Mun hitta eitthvað af liði þarna og fylgjast með Stóra Planinu fara á sínu fyrstu kvikmyndhátíð á AFI Film Festival á kvikmyndaborginni. Fyrirtæki vill endurgera myndina á bandarískri grund. Því er tekið með hæfilegum fyrirvara. Það verður mikið blaðrað, drukkið te á við capuccino og reynt að sitja í rónni og njóta sólarinnar.

-

Finnst fátt skemmtilegra en að hitta fólk og tala um ekki neitt. Þó umræðuefnin sé með ýmsum stærfræði formerkjum er það sjaldnast það sem maður er að tala um. Það virðast vera ávallt að aðalsamskiptin fari fram í einhverju öðru formi, ósýnileg. Síðast kom Ásgrímur Sverrisson í heimsókn á hjólinu sínu, þykir vænt um Ása, hann skammar mig alltaf kurtleislega og er ávallt hæfilega ánægður og óánægður með mín störf, samt á bakvið erum við ekkert að tala um kvikmyndaverk, heldur skiptast á einhverju ósýnilegu í hversdeginum.

Hitti svo Ara Alexander um daginn, þar kepptumst við í yfirborðs-þunglyndi en meintum ekkert með því.

-

Þarf svo ofsalega að finna diskinn sem kór Frímúrarareglunnar gaf út fyrir um tíu árum að mig minnir. Þar eru fegurstu hljómar jarðarinnar. Ekki hægt að finna þetta í búðum.

-

Fallegur dagur og merkilegur af mörgum ástæðum og þá aðallega einni. :) 


Boten

Það eru mikilvægir hlutir í lífinu, svo eru ómikilvægir og líklega eitthvað grátt svæði þarna á milli. Ástin er oft talin til mikilvægu hliðarinnar, eflaust út af einhverjum annarlegum ástæðum samfélagsins. Á milli þess sem maður les Halldór Laxness við rauðvínsglas í penthouse íbúðinni minni hérna við Skúlagötu þá hlusta ég á sannkallaða fagurtónlist.

Hérna er eitt slíkt, sem fjallar um gervi-greindarveruna Önnu, og drenginn blíða sem er orðinn ástfanginn af henni á spjallrás. Afar nútímalegt ljóð sem með góðan boðskap, því jú, viti menn, Anna er alvöru sænsk ljóshærð stúlka.

Af þessu má sjá hversu ógurlega upptekinn ég er þessa dagana. 

 


Galar fagrir

Frumsýning loksins á Queen Raquela. Fínt að vera búin að þessu. Kvöldið tókst nokkuð vel. Að minnsta kosti sannfærir maður sig um það. Það skemmtilegasta við að frumsýna er maður fær tilefni til að hitta fólk úr fortíðinni, gamla góða vini og fjölskyldu.

-

Átti langt og gott spjall við góðan mann í morgun til að hefja daginn. Hann Ásgrímur Sverrisson spekúlat las mér ákveðna tölu um íslenskt samfélag þar sem ég er að fara gera mynd að hluta til um það. Merkilegt hvað maður er lítt kunnugur sögunni. Fékk góða skólun í morgungjöf.

-

Hitti hund sem er ellefu ára, eða sjötíu og sjö ára í mannaldri. Hann var furðu unglegur að sjá. Aðspurður kvaðst eigandinn halda að það væri skírlífi hundsins að þakka.

-

Það er gaman að fylgjast með gróðrinum í Reykjavíkurborg í göngutúrum, náttúrunni virðist alveg sama þó hér séu læti vegna fjármuna. Lætin eru fín afþreying frá enska boltanum eða borgarmálum um strætóleiðir, flugvöll eða hreinsun andarskíts úr Reykjavíkurtjörn.

-

Er að leika mér í að gera glataða tónlist í einhverju lágmannsforriti, þarf að finna mér kærustu sem ég get sagt upp með því að nota afsökunin "ég þarf að einbeita mér að tónlistinni minni".


Næsta síða »

Höfundur

Ólaf de Fleur Jóhannesson
Ólaf de Fleur Jóhannesson
El chico con cámara

Innskráning

Ath. Vinsamlegast kveikið á Javascript til að hefja innskráningu.

Hafðu samband