Leiðindi

Áhugavert hvað maður er sífellt spurður hvort maður sér að gera eitthvað spennandi. Eins og leiðindi séu ekki áhugaverðari. Fólk hefur miklar áhyggjur ef líf þeirra er ekki nægilega spennandi, heldur að það sé misheppnað ef það er ekki ávallt ástfangið, í teygjustökkvum, skíðaferðum o.s. frv..

Einnig er áhugavert að sjá takmarkað þol foreldra gagnvart því hvort börnum leiðist. Það eru keyptir dvd spilarar og ég-veit-ekki-hvað svo þeim leiðist ekki.

Á seinni árum (er að verða áttræður) hefur mér þótt gildi leiðinda mjög mikilvægt, þarna er maður best meðvitaður um sjálfan sig. Að fara í ræktina, hugleiða, vinna einhæf störf ... allt hjálpar manni að gera sér grein fyrir skorti á fókus.

Ef maður er ekki þakklátur fyrir hvern þann hundskít sem reiddur er af englahöndum út í lífið þá væri maður stopp. Maður reynir að skerpa augun og sjá fegurðina með hjálp leiðinda.

Legg hér lítið myndband með sem ég gerði einhverntíma i leiðindum:

  

Athugasemdir

[Fanney Dóra Sigurjónsdóttir, 9.2.2007 kl. 17:20]

úff.. þetta var ekkert smá "dett" hjá gaurnum  

[Katrín Snæhólm Baldursdóttir, 9.2.2007 kl. 17:30]

Leiðindi eru snarholl en flestir eru einmitt á harðahlaupum út allt lífið að láta nú ekki leiðindin ná í skottið á sér. Þegar mínir krakkar segja "I am bored"..segi ég "fínt" og geri ekkert í málinu. Þá fara þau oftast og gera eitthvað í málinu. Dunda sér og búa til ýmislegt úr drasli í bílskúrnum. Leiðindi eiga að fá nóg pláss.

p.s myndbandið kom ekki og mér hundleiðist að hafa ekkert að horfa á.

[Jón Steinar Ragnarsson, 9.2.2007 kl. 18:30]

Fínt reel.  Hvaða músík er þetta undir flugeldasenunni? Er þetta Lisa Garret? Þetta er úr einhverri bíómynd veit ég. Mér fanst söngur Garret óhugnanlega flottur í einu lagi úr myndinni The Insider með Russel Crow.  Ég fíla svona sterk stef með þungu baklandi. Það eru einhverjir töfrar í þessu, sem myndu fá mann til að ganga beint í dauðann í krafti tilfinninganna.

[Katrín Snæhólm Baldursdóttir, 9.2.2007 kl. 21:56]

Strákar..hvernig líst ykkur á að hverfa úr heimi leiðindanna og búa til með mér geðveika kvikmynd í prag???

Mig vantar bara einhvern til að setja hugmyndina í form sem sést í svart hvítu og einstaka lit og svo breytir hún hugarfari. Er það ekki bara góður díll?

[Ólaf de Fleur Jóhannesson, 10.2.2007 kl. 12:58]

Gerði þetta fyrir löngu síðan - man ekkert hvaða tónlist þetta er, getur verið Lisa? :)

Gera kvikmynd er fínt mál - hinsvegar verður maður að barna sína drauma einn og sjálfur - erfitt að fá aðra til að stíga inn í sína eigin sýn í þessu :)