Viðtal við blómið

Hinn þekkti fréttamaður Peter Cornsmith tók viðtal við Blómið í Hollywood - lesa hér.

Skywalker

Hið ljúfa líf á Skywalker. Ótrúlegur staður. Sjá myndir.

Viðhorf

Leigubílstjórar í New York nenna ekki að keyra mann, þeir keyra bara ef maður er að fara í sömu átt og þeir vilja. Einn rússneskur sýndi mér þá góðmennsku að keyra mig yfir í Brooklyn.
Gatnamót, grænt ljós. Bíll keyrir í veg fyrir okkur, var seinn á þeim rauðu hinum megin frá. Það er afrískur ameríkani sem keyrir. Rússi flautar. Sá þeldökki gefur honum svipljóta grettu.
Rússi mumlar "Ugly monkey", svo lágt að enginn gæti heyrt. Sá afríski keyrir í burtu.
2 mín síðar.
Sá afríski brunar framfyrir taxa og í veg fyrir bílinn, gengur út úr honum á miðri hraðbraut og að bílstjóranum, hallar sér fram í gegnum opna bílstjórarúðu og spyr kurteislega "who the fuck are you calling an ugly monkey motherfucker". Mér er það enn hulin ráðgáta hvernig í ósköpunum hann hefði getað heyrt þetta. "Why don't you common out and I'll whip your white ass you racist motherfucker." Rússi þegir, mumlar "you cross me at intersection ... ". Ég hræddur afturí, þorði ekki að pípa mig inn í þetta.
Síðan fór drengurinn í burtu í bílinn en var ekkert að færa hann strax þannig að rússinn gat ekki farið. Græjurnar voru settar í botn og harkalegt viðhorfs (attitude) rapp með bassann þannig að bílinn hjá rússanum titraði. Ljúfur hversdagsleiki hinum megin við Manhattan brúna.

Landamæri ástarinnar

Það er til dúfudagur í bandaríkjunum. Var úti að labba með vini og foreldrum hennar. Dauð dúfa á gagnstétt. Lifandi dúfa við hlið.
Foreldri A: "Isn't this sad, they mate for life you know".
Foreldri B: "Awww, he misses his partner".
Svipurinn breyttist þegar sú lifandi fór að njóta ásta við líkið.

Rós

Maður í lyftu: "You're from Iceland?"
Óli: "Yah" (bandrískur hreimur).
Maður í lyftu: "The home of Sigurrro, or is it Sigurros?"
Óli: "Sigurrós"
Maður í lyftu stígur út.
Maður fyrir utan lyftu: "Great."

Hringfarar

Búin með englana. Það sem byrjaði sem lausleg hugmynd að stuttmynd er nú orðið að mini-seríu í þremur hlutum. Þetta fjallar um Hringfara, sem eru alþjóðleg samtök engla á jörðinni. Hann Hilmir Snær fer með aðalhlutverkið í þessu, leikur Oleg, sérlegan sendiboða frá Nagasima miðstöðinni í Moskvu. Hér að neðan er stikla.

 

Gerð Stóra Plansins

Aðstoðarleikstjórinn Jóhann G. Jóhannsson fékk nóg af því aukahlutverki sem titillinn "aðstoðarleikstjóri" virðist vera hjá almenningi. Jóhann tók sig því til, gerði mynd um Stóra Planið og hvernig aðstoðarleikstjórinn lék lykilhlutverk í að koma því á koppinn.

 

NOTIÐ TAKKANN Í HÆGRA HORNI TIL AÐ FÁ FULLAN SKJÁ - LÁTA MYND HLAÐAST Í NOKKRAR MÍN

Ísland í Letterman

Hverjum er ekki nokk sama. En, anyhew - Michael Imperioli minnist aðeins á fylleríð í Íslendingum á meðan hann var í tökum á Stóra Planinu. Ef þetta er ekki landkynning þá veit ég ekki hvað.

Englarnir

Er að ljúka við litla mynd sem ég byrjaði á í New York síðastl. Myndin fjallar um engla sem kallast Hringfarar, og eru neðar en manneskjur í "kerfinu", um er að ræða litla hópa af getulausum karlmönnum í bókstaflegri merkingu sem er stjórnað af konum. Þetta er einhverskonar klaufalegur englaheimur. Heiminn bullaði ég upp með Stefan félaga mínum í nýju jórvík.

Myndin gerist bæði á Íslandi og í New York. Er að fara að skjóta íslenska hlutann bráðlega. Hægt er að sjá lítinn myndbút úr verkinu hérna.

Í íslenska hlutann hef ég fengið góðan hóp leikara sem redda yfirleitt handritinu.

Eftir þetta er ég svo rokinn eitthvað í langt í burtu í einhvern tíma að fara gera eitthvað annað í bili. Tek nú samt myndavélina með mér.

LA

Er að fara til LA á kvikmyndahátíð með Queen Raquela. Nenni því ekkert sérstaklega og var búin að segja nei, en þá buðu þau mér og það er ekkert slor, flott hótel í 10 daga, 2 dagar á geimgengilsgarðinum hans Lucas.  Verður fínt að komast í sólina.

Svo þegar maður er kominn til LA á annað borð, þá verður hálf kjánalegt að fara tilbaka. Er að spá í Hawaii, svo Filippseyjum og svo Thailandi.  Sumarið farið í einhverja unggæðingslega ferða-vitleysu. Maður á að vera að vinna.

Hefði frekar vilja vera heima í sumar að horfa á fótbolta og velta mér uppúr tilgerðarlegum norður-evrópskum vandamálum. 

Hérna er heimasíða hátíðarinnar:
http://www.lafilmfest.com

Og það sem mikilvægara er, hérna er hótelið:
http://www.hotelpalomar-lawestwood.com/index.html